Monthly Archive Aprel 2019

Jismoniy chiniqib, kuchli bilim egallaymiz!

Islom Karimov nomidagi Toshkent davlat texnika universiteti Termiz filialida Prezidentimiz tomonidan ilgari surilgan 5 muhim tashabbus doirasida amaliy ishlar olib borilmoqda. Yoshlarni jismoniy chiniqtirish, ularning sport sohasidagi qobiliyatini namoyon qilishlari uchun har kuni erta tongdan talabalar ishtirokida jismoniy mashg’ulotlar o’tkazilmoqda.

Please follow and like us:
error

Temurbeklar harbiy sport o’yinlari musobaqasi o’tkazildi

Islom Karimov nomidagi Toshkent davlat texnika universiteti Termiz filiali Temurbeklar harbiy sport o’yinlari musobaqasining shahar bosqichiga mezbonlik qildi. Filial sport zalida Termiz shahridagi barcha maktablardan 19 ta jamoa ishtirok etib, bir necha shart bo’yicha bellashdi. Qizg’in va shiddatli musobaqada ishtirok etgan yoshlar sport va harbiy sohada bor imkoniyatlarini, mahoratlarini namoyish etishdi.

Please follow and like us:
error

O'qigan maktabimga kitob sovg'a qilaman

Islom Karimov nomidagi Toshkent davlat texnika universiteti Termiz filiali direktori Bahodir Ergashovich To’raev o’zi o’qigan Denov tumanidagi 26-sonli maktabga shaxsiy kutubxonasidan 50 dan ortiq kitob sovg’a qildi. Ustozlari va maktab o’quvchilari bilan dildan suhbatlashdi.

Islom Karimov nomidagi Toshkent davlat texnika universiteti Termiz filiali direktor o’rinbosari Nosirov Faxriddin Jaylovovich Qashqadaryo viloyati Dehqonobod tumanidagi 39-sonli o’zi o’qigan maktabga shaxsiy kutubxonasidan 30 dan ortiq kitoblar sovg’a qildi

.

Please follow and like us:
error

Tags

U-Report Innovatsion yoshlar loyihasi TDTUTFda

U-Report yoshlar loyihasi O’zbekistonda UNISEF va O’zbekiston Yoshlar ittifoqi  tomonidan O’zbekiston respublikasi Oliy majlisi Senati va Xalq ta’limi vazirligi bilan hamkorlikda amalga oshirilmoqda. Loyihaning asosiy maqsadi davlatning yoshlarga oid siyosatini amalga oshirishda yoshlarning ishtirokini ta’minlashdir. 12 aprel kuni U-Report loyihasi rahbari Jamila Nurjonova, Alisher Asrorov Islom Karimov nomidagi Toshkent davlat texnika universiteti Termiz filiali talabalari uchun taqdimot o’tkazdi.

Please follow and like us:
error

“Maktabimga kitob sovg'a qilaman”

O’zbekiston Respublikasi prezidenti SH.Mirziyoevning yoshlar ma’naviyatini yuksaltirish, ularning bo’sh vaqtlarini mazmunli tashkil etish bo’yicha videoselektor yig’ilishida ilgari surgan 5 ta muhim tashabbusdan biri yoshlar ma’naviyatini yuksaltirish, ular o’rtasida kitobxonlikni keng targ’ib qilish bo’yicha 2019 yil 26 mart – 1 aprel kunlari “Men o’qigan maktabimga kitob sovg’a qilaman” aktsiyasi o’tkazilmoqda. Shu munosabat bilan Islom Karimov nomidagi TDTU Termiz filiali Ishlar boshqarmasi boshlig’i G’ayrat Haydarov “Men o’qigan maktabimga kitob sovg’a qilaman” aktsiyasida ishtirok etib, Angor tumanidagi 31-sonli o’rta ta’lim maktabiga Daniel Defoning “Robinzon Kruzoning hayoti va ajoyib sarguzashtlari”, Artur Konan Doylning “Sherlok Xolms haqidagi hikoya”, Maqsud Qorievning “Spitamen”, Abdulla Qodiriyning “O’tgan kunlar”, Cho’lponning “Kecha va kunduz”, Abdusaid Ko’chimovning “Men shoirman, istasangiz shu…”, Abdulla Oripovning “She’riy to’plamlari” kabi 120 dan ortiq asar hamda she’riy to’plamlarni o’zi tahsil olgan maktabga topshirdi.

“Kimyoviy va oziq-ovqat texnologiyalari” kaferasi mudiri v.v.b. N.B.Chorieva “Men o’qigan maktabga kitob sovg’a qilaman” aktsiyasida ishtirok etib, o’zi o’qigan Angor tumanidagi 1-sonli maktab kutubxonasiga Tohir Malik, O’tkir Hoshimov, Chingiz Aytmatov kabi yozuvchilar asarlaridan namunalar sovg’a qildi.

Please follow and like us:
error

Talabalar festivalda

Toshkent davlat texnika universiteti Termiz filiali professor-o’qituvchilari hamda talabalari Xalqaro baxshichilik san’ati festivalidan ulkan taassurot va zavq olishdi.

 

Please follow and like us:
error

LED-monitor o’rnatildi

Islom Karimov nomidagi Toshkent davlat texnika universiteti Termiz filiali binosining kirish darvozasi yonida LED-monitor o’rnatildi. Monitorda birinchi Xalqaro baxshichilik festivaliga oid videoroliklar, filial talabalari tomonidan baxshichilikka bag’ihlab tayyorlangan videolavha, ijtimoiy tasvirlar muntazam namoyish etilmoqda.

Please follow and like us:
error

Xorijliklar kutib olindi

Bugun boshlanadigan Xalqaro baxshichilik san’ati festivalida ishtirok etuvchi xorijiy davlatlar vakillari Termiz xajqaro aeroportida kutib olindi. Islom Karimov nomidagi Toshkent davlat texnika universiteti Termiz filiali talabalari mehmonlarni milliy an’analarimizga mos tarzda kutib olishdi.

 

Please follow and like us:
error

FILIAL HUDUDI GULZORGA AYLANTIRILMOQDA

 

Har bir inson shu kunlarda hovliyu ko’chasini gullar bilan bezatish harakatida. Bu ishlarni bajara turib, ona-tabiatning o’zi mohir musavvir, tengi yo’q dizayner ekanini, undagi ranglaru jilolarni ta’riflashga so’z ojizligini beixtiyor anglab yetadi kishi. Alvon, oppoq, oftob tusli, pushti, gulnor, siyoh rangli, hatto ko’kimtir, tabiatning o’zidan nusxa olgan kabi och yashil, atlas ko’rinishli gullar shoshib, hovliqib, beparvo o’tib ketishga sira qo’ymaydi!

Islom Karimov nomidagi Toshkent davlat texnika universiteti Termiz filialida 2019 yil bahori boshlanishi bilanoq manzarali va mevali daraxt hamda gul ko’chatlarini ekish ishlari qizg’in tus oldi. Ko’kalamzorlashtirish, manzarali va mevali daraxt hamda gul ko’chatlarini ekish ishlari uyushqoqlik bilan tashkil etilib, filialda dolzarb 40 kunlik e’lon qilingan.

2 aprel kuni filial direktori B.Turaev, direktor o’rinbosari F.Nosirov, fakul`tet dekanlari, professor-o’qituvchilar, talabalar, filial ishchi xodimlarini keng jalb qilgan holda hashar tashkil qilindi. Ta’lim dargohining kirish darvozasi atrofi landshaftli dizayn asosida sal`viya, begoniya, tagetis, petuniya, rayhon, alissum, georgin kabi gullar bilan bezatildi. Bundan tashqari, mevali va manzarali daraxtlarga ham alohida ishlov berildi. Filial hududini obodonlashtirish ishlari davom etmoqda.

 

Please follow and like us:
error

SAMARQAND VA BUXOROGA SAYOHAT

O’zbekiston Respubilkasi Preizdentining 2018 yil 7 fevraldagi “Ichki turizmni jadal rivojlantirishni taminlash chora tadbirlari to’g’risda”gi PQ-3514-sonli Qarori ijrosini taminlash maqsadida 2019 yil 29 mart kuni Islom Karimov nomidagi Toshkent davlat texnika universiteti Termiz filiali Qurulish va transport tizimlari fakul’teti 2-17 guruh talabalari uchun Samarqand va Buxoro shaxrlariga sayohat uyushtirildi.

Guruh murabbiyi Jasur Saynazov boshchiligida talabalar Imom al Buxoriy majmuasi, Amir Temur maqbarasi, Bibixonim masjidi hamda birinchi prezidentimiz Islom Karimov qadamjolari ziyorat qilishdi. Buxorodagi Bahouddin Naqshband va Etti Pir ziyoratgohi, Labihovuz majmuasidan olingan ulkan taassurotlar talabalar uchun katta tarixiy bilim va ma’naviy manba bo’lib xizmat qilishi shubhasiz.

Please follow and like us:
error

RSS
Follow by Email
Twitter
Visit Us
Telegram
VK
OK