Monthly Archive May 2019

Янги технологияларни бошқара оладиган кадрлар керак.

29 май куни Ўзбекистон Республикаси Фанлар Академияси академиклари Юсупбеков Нодирбек Рустамбекович ва Игамбердиев Ҳусан Зокирович ТДТУ Термиз филиали талабалари билан очиқ мулоқот ўтказишди. Академик Н.Юсупбеков бой ҳаётий тажрибаси, кўп йиллик педагогик фаолиятидан талабаларга жонли мисоллар орқали гапириб берди. Бугунги кунда илм-фан соҳасида шиддат билан ривожланиб бораётган жараёнлар, юртимизда қурилаётган янги иншоотлар, уларни бошқарадиган кучли ва салоҳиятли кадрларга эҳтиёж ортиб боришини айтиб, техника, кимё технологияси, электороника, автоматика соҳаларини пухта эгаллаш лозимлигини таъкидлади. Талабаларга биринчи курсданоқ бугунги имкониятлардан фойдаланиб, яъни интернетдан вақт ўтказиш учун эмас, илм-фан соҳасидаги янгиликларни мунтазам кузатиб, янги яратилаётган технологиялар, уларни бошқариш ҳақидаги маълумотлар билан қизиқиб, шундай инновацион ғоялар билан чиқиш лозимлигини таъкидлади.

 

 

Please follow and like us:
error

Оммавий спорт тадбири.

Ўзбекистон Республикаси Президенти Ш.М.Мирзиёев томонидан ижтимоий, маънавий-маърифий соҳалардаги ишларни янги тизим асосида йўлга қўйиш бўйича илгари сурилган 5 та муҳим ташаббусга йўналтирилган тадбирлар доирасида бугун эрта тонг 6.00 да Термиз шаҳридаги “Сурхон” спорт  мажмуасида ташкиллаштирилган оммавий спорт тадбирида иштирок этиш учун Ислом Каримов номидаги Тошкент давлат техника университети Термиз филиалининг барча профессор-ўқитувчилари,  талабалари стадионда жам бўлишди. Оммавий тарзда спорт ва бадантардия машғулотлари билан шуғулланган талаба ва ўқитувчилар кунни ана шундай тетиклик ва кўтаринкилик билан бошлашди. Бундай тадбирлар ёшларимизнинг соғлом, бақувват бўлишига хизмат қилиб асосийси ҳаётга қарашини ўзгартириши шубҳасиз.

 

Please follow and like us:
error

27.04.2019-yildagi 360-son qaror

Please follow and like us:
error

Кореянинг ЧОНДЖУ университети профессори ТДТУТФ талабалари билан учрашди.

28 май куни ТДТУТФ фаоллар залида Жанубий Кореянинг нуфузли университетларидан саналган Чонджу университети профессори Ан Бейонг Ил билан учрашув ўтказилди. Учрашувни филиал директори Баҳодир Тураев кириш сўзи билан очиб, бугунги кунда юртимизда хорижий ОТМлар билан ҳамкорлик алоқаларини кучайтириш тизимдаги энг долзарб масалалардан бири эканлигини айтиб ўтди. Талабалар ва академик лицей битирувчилари бундай имкониятлардан самарали фойдаланиб, кучли билим эгаллаб, юртимиз равнақига муносиб ҳисса қўшиши лозимлигини таъкидлади. Шундан сўнг кореялик профессор сўзга чиқиб, юртимизда икки йилдан буён корейс тилини ўрганишни истаган ёшларга таълим бераётганлиги, ўзбек талабаларининг дунё ОТМларида ўқишга бўлган қизиқиш ва иштиёқи кучлилигини таъкидлаб, университет ҳақидаги видеоролик ва буклетларни талабаларга тақдим этди. ТДТУТФ билан келажакда икки томонлама ҳамкорлик меморандуми имзоланса, мақсадга мувофиқ бўлишини таъкидлади. Жанубий Кореяда енгил саноат, механика ва технология соҳаларида эришилган ютуқларни ўрганиш фақат фойдали бўлишини таъкидлади.
Шунингдек учрашувда “Korway” корейс тилини ўқитиш маркази раҳбари Зоҳиджон Сатторов, “Раҳмат” ўқув маркази раҳбари Ҳусан Хидировлар ҳам иштирок этиб, талабалар ва лицей битирувчиларига хорижий олийгоҳларда таълим олиш борасида маълум таклиф ва тавсияларини беришди.
Талабалар ва битирувчилар профессорга Корея олий таълим тизими, у ердаги олйгоҳлар ҳақида саволлар бериб, жавоб олишди.
Филиал раҳбарияти Корея олийгоҳлари билан ҳамкорлик алоқаларини бошлаш ва кучайтириш борасида келишиб олишди.

Please follow and like us:
error

АКАДЕМИКЛАР ТАШРИФИ

Ислом Каримов номидаги Тошкент давлат техника университети Термиз филиалига пойтахтдан таниқли академиклар Юсупбеков Нодирбек Рустамбекович ва Игамбердиев Ҳусан Зокирович ташриф буюрди. Филиал фаоллар залида ТДТУ академиклари ва филиал профессор-ўқитувчилари иштирокида давра суҳбати ўтказилди. Давра суҳбатини филиал директори Б.Тураев очиб, кучли илм ва салоҳият эгаси бўлган бу устозлардан ҳар бир ўқитувчи кўп нарса ўрганиши лозимлигини таъкидлади.

Please follow and like us:
error

Afg'oniston fuqarolarini o'qitish ta'lim markaziga tashrif

O’zbekiston Respublikasi Bosh vazirining 2019 yil 27 fevraldagi 14/1-705-son topshirig’iga asosan 2019-2020 o’quv yilidan boshlab xorijlik fuqarolarni to’lov-kontrakt asosida o’qitish qiymatini vazirlik va idoralar bilan kelishgan holda O’zbekiston Respublikasi fuqarolari uchun belgilangan to’lov-kontrakt miqdoridan kam bo’lmagan miqdorda mustaqil belgilash huquqini berish, oliy ta’lim muassasalarini faol reklama qilish orqali xorijiy fuqarolarni O’zbekistonda ta’lim olishga keng jalb etish, O’zbekistonning ta’lim sohasidagi ijobiy imijini shakllantirish ishlarini amalga oshirish vazifalari belgilab berilgan.Ushbu topshiriq ijrosini ta’minlash maqsadida 25 may kuni Islom Karimov nomidagi Toshkent davlat texnika universiteti Termiz filialining professor-o’qituvchilari Afg’oniston fuqarolarini o’qitish ta’lim markaziga tashrif buyurdi. “Qurilish va transport tizimlari” fakul`teti dekani Baxtiyor Xushboqov, “Engil sanoat va kimyo texnologiyalari” fakul`teti dekani o’rinbosari Jasur Rahmonqulov, transport tizimlari va texnologik mashinalar kafedrasi o’qituvchilari Shuhrat Safarov va Jasur Saynazov, filial matbuot kotibi M.Buzrukova dastlab markazda afg’on talabalari uchun yaratilgan sharoit bilan tanishishdi. Shundan so’ng markaz
faollar zalida talabalar bilan uchrashuv o’tkazildi. Uchrashuvni markaz direktori Oybek Ro’ziev ochib, talabalarga mehmonlarni tanishtirdi. B.Xushboqov markaz bitiruvchilariga TDTU Termiz filialida faoliyat olib borayotgan 2 ta fakul`tet, 5 kafedra, 8 ta ta’lim yo’nalishi bo’yicha to’liq ma’lumot berdi. Yangi ta’lim yo’nalishlari ochilishi rejalashtirilayotganligi aytildi.
Filial faoliyati tasvirlangan videorolik talabalarga namoyish etildi, filial o’quv jarayonlarini o’zida mujassamlashtirgan buklet talabalarga tarqatildi. TDTU TF jamoasi markazda ta’lim olayotgan 122 nafar afg’on talabaga o’zi va yurtidagi yoshlarni TDTUTF ga jalb qilishlari, yurtimizda ta’lim olib, har ikki davlat ravnaqi va rivojiga hissa qo’shadigan kadrlar bo’lib yetishishi uchun barcha sharoitlar mavjudligini ta’kidlashdi. Afg’on talabalari uchrashuvdan o’zlariga kerakli ma’lumotlarni olishdi. O’zbek tili ta’lim yo’nalishini bitirayotgan talabalar Asadullo Bashish, Ruhullo Aymoq, Bismillo Nabizoda, Qudratullo Ahmadiy, Said
Jaloliddin, Latifa Nuriy ismli talabalar O’zbekistonda ta’limni davom ettirishni rejalashtirayotganligini ta’kidlab, bu oliygohni tanlashsa, qanday imkoniyat va shartlar bo’lishini haqida aniq savollar bilan murojaat qilishdi va asosli javoblarni olishdi.

Please follow and like us:
error

Murabbiy-o'qituvchi o'z kasbiga loyiq bo'lsin

24 may kuni Islom Karimov nomidagi Toshkent davlat texnika universiteti Termiz filialiga tayanch universitet Islom Karimov nomidagi Toshkent davlat texnika universiteti murabbiylar kengashi raisi Furqat Zokirov, geologiya qidiruv fakul`teti dekani o’rinbosari Jonibek Tursunov tashrif buyurdi.

Tajribali mutaxassislar dastlab filial rahbariyati bilan birgalikda OTMda olib borilayotgan ish faoliyati, ilmiy va ma’naviy-ma’rifiy ishlarning qay darajada yo’lga qo’yilganligi bilan tanishishdi. Shundan so’ng filial dekanlari, kafedra mudirlari ishtirokida yig’ilish o’tkazildi. TDTU Murabbiylar kengashi raisi Furqat Zokirov bugungi kunda OTMda axborot va murabbiylik soatining o’tilishi, talabalar uchun bu darslarning nechog’li
ahamiyatga egaligi, haftalik axborotning talabalarga yetib borishi lozimligi haqida gapirib o’tdi. Shiddat bilan rivojlanayotgan, islohotlar ko’lami barcha sohalarda keng tadbiq etilayotgan yurtimizda bugungi kunda Prezidentimizning olib borayotgan siyosati, ayniqsa, yoshlarga qaratilayotgan e’tibor haqida so’zlab, ta’lim va tarbiya yagona tizim orqali olib borilishini tushuntirib o’tdi.

 

Please follow and like us:
error

O‘zbekiston Respublikasi Prezidentining qarori PQ 43-19 (14.05.2019)

O‘zbekiston Respublikasi Prezidentining
qarori
Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida
Qayd etish lozimki, 2018/2019 o‘quv yilida ilk marotaba oliy ta’lim muassasalari bakalavriat ta’lim yo‘nalishlariga o‘qishga qabul qilish uchun test sinovlari ochiq maydonli binolarda o‘tkazildi.
Imtihonlarni oshkora va shaffof tarzda o‘tkazish maqsadida abituriyentlar binoga kirishda shaxsni identifikatsiyalash qurilmalari yordamida tekshirildi, test sinovlari kuzatuv kameralari yordamida nazorat qilindi. Ushbu jarayonlar abituriyentlarning ota-onalari uchun bevosita katta monitorlarda, Internet tarmog‘i va televideniye orqali to‘g‘ridan to‘g‘rinamoyish qilindi.
Shu bilan birga, sohada amalga oshirilayotgan islohotlarni davom ettirgan holda, oliy ta’lim muassasalariga o‘qishga qabul qilishda o‘tkaziladigan kirish test sinovlarini xalqaro standartlarga muvofiqlashtirish, shuningdek yoshlarning ta’lim olishga bo‘lgan ishtiyoqini rag‘batlantirish maqsadida abituriyentlarning bir nechta bakalavriat ta’lim yo‘nalishlari bo‘yicha tanlovda ishtirok etishlari uchun keng imkoniyatlar yaratish lozim.
Mamlakatimizni yanada rivojlantirish uchun oldimizda turgan ustuvor vazifalarni professional darajada bajarishga qodir yoshlarni tarbiyalash, iqtisodiyot tarmoqlari va ijtimoiy sohani yuqori malakali kadrlar bilan ta’minlash maqsadida, shuningdek 2017 ― 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturiga muvofiq:
1. O‘zbekiston Respublikasi Vazirlar Mahkamasi huzuridagi Davlat test markazi (keyingi o‘rinlarda — Davlat test markazi), Oliy va o‘rta maxsus ta’lim vazirligi, Xalq ta’limi vazirligi, Moliya vazirligi hamda Iqtisodiyot va sanoat vazirligining quyidagi takliflari ma’qullansin:
2019/2020 o‘quv yili qabulidan boshlab abituriyentlarga oliy ta’lim muassasalarining test sinovi topshiriladigan fanlar majmuasi bir xil bo‘lgan uchtagacha bakalavriat ta’lim yo‘nalishida tanlovda ishtirok etish huquqini berish;
2019/2020 o‘quv yili qabulidan boshlab oliy ta’lim muassasasiga o‘qishga qabul qilish bo‘yicha kirish test sinovlarini iyul-avgust oylarida o‘tkazish;
2020/2021 o‘quv yili qabulidan boshlab test sinovi topshiriladigan fanlar majmuasini ikki bo‘limga ajratib, birinchi bo‘limga barcha test topshiruvchilar uchun majburiy uchta fan — ona tili (o‘zbek, rus yoki qoraqalpoq tili), matematika va O‘zbekiston tarixi, ikkinchi bo‘limga abituriyent tanlagan bakalavriat ta’lim yo‘nalishiga mos ikkita fanni kiritish;
test sinovlari tashkil etilayotgan o‘quv yilidan avvalgi yillarda ta’lim muassasalarini tugatgan abituriyentlardan (nogironligi bo‘lgan yoki to‘liq davlat ta’minotidagi shaxslar bundan mustasno) test sinovlarida ishtirok etishi uchun eng kam ish haqining yarim baravari miqdorida to‘lov undirish;
abituriyentning test sinovida to‘plagan ballari haqidagi ma’lumotni test sinovi o‘tkazilgan kunning ertasiga, uning talabalikka tavsiya etilgani yoki etilmagani bo‘yicha belgilangan tartibda tasdiqlangan tanlov natijasini test sinovlarini o‘tkazish jarayoni to‘liq yakunlangandan keyin bir hafta muddat ichida Davlat test markazining rasmiy veb-saytida e’lon qilish.
2. Belgilab qo‘yilsinki:
bakalavriat ta’lim yo‘nalishlariga mos test sinovi topshiriladigan fanlar majmuasi, baholash mezonlari, test topshiriqlari soni hamda test sinovlarini o‘tkazishning aniq muddatlari O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi tomonidan belgilanadi;
2019/2020 o‘quv yili qabulidan boshlab O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi tomonidan belgilanadigan davlat oliy ta’lim muassasalariga bakalavriatga o‘qishga kirish uchun abituriyentlar Davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali orqali murojaat qiladilar.
3. Davlat test markazi huzurida yuridik shaxs tashkil etmagan holda Davlat test markazi faoliyatini rivojlantirish jamg‘armasi (keyingi o‘rinlarda — Jamg‘arma) tashkil etilganligi ma’lumot uchun qabul qilinsin.
Quyidagilar Jamg‘armani shakllantirish manbalari etib belgilansin:
oliy ta’lim muassasalarining oshirilgan to‘lov-kontrakt tushumlari (5 foizgacha miqdorda);
Davlat test markazi tomonidan shartnoma bo‘yicha jismoniy va yuridik shaxslarga xizmatlar ko‘rsatishdan tushgan mablag‘lar;
abituriyentlardan test sinovlarida ishtirok etishi uchun undirilgan to‘lovlar;
Jamg‘armaning vaqtincha bo‘sh mablag‘larini joylashtirishdan olinadigan daromadlar;
yuridik va jismoniy shaxslarning homiylik xayriyalari;
xalqaro moliya tashkilotlari va xorijiy davlatlarning grantlari hamda texnik ko‘maklashish mablag‘lari;
qonun hujjatlari bilan taqiqlanmagan boshqa mablag‘lar.
4. Belgilansinki, Jamg‘armaning mablag‘lari foizdagi ulushi chegaralanmagan holda quyidagi maqsadlarga sarflanadi:
Davlat test markazining moddiy-texnik bazasini mustahkamlash;
Davlat test markazi xodimlarini, shu jumladan xorijiy davlatlarning ilmiy-tadqiqot, ta’lim va boshqa muassasalarida o‘qitish, malakasini oshirish va stajirovka o‘tash;
Davlat test markazining fan nomzodi yoki falsafa doktori (PhD) ilmiy darajasiga yoki xorijiy davlatlarning unga tenglashtirilgan boshqa ilmiy darajalariga ega xodimlarga 30 foiz, fan doktori yoki fan doktori (Doctor of Science) ilmiy darajasiga yoxud xorijiy davlatlarning unga tenglashtirilgan boshqa ilmiy darajalariga ega xodimlarga oylik ish haqining 35 foizi miqdorida ustamalar to‘lab berish;
Davlat test markazi xodimlariga lavozim maoshining 200 foizigacha bo‘lgan miqdorda oylik ustamalar va boshqa rag‘batlantiruvchi to‘lovlarni amalga oshirish;
fuqarolik-huquqiy shartnomalar asosida yuqori malakali mutaxassislarni, shu jumladan xorijiy ekspertlar va xorijda istiqomat qilayotgan vatandoshlarni Davlat test markaziga ishlash uchun jalb etish;
test sinovlari jarayoniga jalb etilgan ishtirokchilarga (bino rahbari va guruh nazoratchilari) ish haqi to‘lash;
test sinovlari o‘tkaziladigan binolarning ijara to‘lovlarini amalga oshirish;
qonun hujjatlarida taqiqlanmagan Davlat test markazi faoliyati bilan bog‘liq boshqa chora-tadbirlar.
5. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan belgilangan tartibda shakllantiriladigan ro‘yxatlar bo‘yicha, test sinovlari o‘tkaziladigan binolarni jihozlash uchun olib kelinadigan, O‘zbekiston Respublikasida ishlab chiqarilmaydigan uskunalar (shaxsni identifikatsiyalash vositalari, video qayd qilish qurilmalari, barmoq izlarini tekshiruvchi, mobil aloqa to‘lqinini to‘suvchi vositalar, metall detektorlar hamda monitorlar) 2022-yil 1-yanvarga qadar bojxona to‘lovlaridan (bojxona yig‘imlaridan tashqari) ozod qilinsin.
6. O‘zbekiston Respublikasi Vazirlar Mahkamasi:
mazkur qarorda belgilangan vazifalardan kelib chiqqan holda Davlat test markazining xodimlarning cheklangan soni 186 nafardan iborat bo‘lgan yangilangan tuzilmasini tasdiqlash va uning faoliyatini yanada takomillashtirish to‘g‘risidagi Hukumat qarorini bir oy muddatda qabul qilsin;
Qoraqalpog‘iston Respublikasi, viloyatlar va Toshkent shahar ma’muriy markazlarida Davlat test markazlari hududiy bo‘limlarini joylashtirish va kelgusida test sinovlarini yil davomida o‘tkazish maqsadida yengil konstruksiyali materiallardan katta sig‘imli bino va inshootlarni qurish bo‘yicha bir oy muddatda O‘zbekiston Respublikasi Prezidenti Administratsiyasiga taklif kiritsin.
7. O‘zbekiston Respublikasi Prezidentining 2017-yil 16-noyabrdagi PQ-3389-son “Respublika oliy ta’lim muassasalari bakalavriatiga kirish test sinovlarini o‘tkazish tartibini takomillashtirish to‘g‘risida”gi qaroriga ilovaga muvofiq o‘zgartirish va qo‘shimchalar kiritilsin.
8. Davlat test markazi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
9. Mazkur qarorning ijrosini nazorat qilish O‘zbekiston Respublikasi Bosh vaziri A.N. Aripov va O‘zbekiston Respublikasi Prezidenti maslahatchisi A.A. Abduvaxitov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2019-yil 14-may,
PQ-4319-son
O‘zbekiston Respublikasi Prezidentining 2019-yil 14-maydagi PQ-4319-son qaroriga
ILOVA
O‘zbekiston Respublikasi Prezidentining 2017-yil 16-noyabrdagi PQ-3389-son “Respublika oliy ta’lim muassasalari bakalavriatiga kirish test sinovlarini o‘tkazish tartibini takomillashtirish to‘g‘risida”gi qaroriga kiritilayotgan o‘zgartirish va qo‘shimchalar
ikkinchi xatboshisidagi “1-avgustdan 15-avgustgacha” so‘zlari “iyul-avgust oylarida” so‘zlari bilan almashtirilsin;
uchinchi xatboshisi quyidagi tahrirda bayon etilsin:
“abituriyentning test sinovidan to‘plagan ballari haqidagi ma’lumotni test sinovi o‘tkazilgan kunning ertasiga, uning talabalikka tavsiya etilgani yoki etilmagani bo‘yicha belgilangan tartibda tasdiqlangan tanlov natijasini test sinovlarini o‘tkazish jarayoni to‘liq yakunlangandan keyin bir hafta muddat ichida Davlat test markazining rasmiy veb-saytida e’lon qilish;”.
2. 4-bandi quyidagi tahrirda bayon etilsin:
“O‘zbekiston Respublikasi Moliya vazirligi:
test materiallarini tayyorlash va test sinovlari natijalari o‘z vaqtida e’lon qilinishini ta’minlash maqsadida Davlat test markaziga zamonaviy moddiy-texnik vositalar va jihozlar xarid qilish uchun 2018-yildan boshlab O‘zbekiston Respublikasi Davlat budjetidan zarur mablag‘lar ajratilishini nazarda tutsin;
Davlat test markazining budjetdan tashqari mablag‘lari hamda oliy ta’lim muassasalarining oshirilgan to‘lov-kontrakt tushumlari (5 foizgacha miqdorda) hisobiga bir oy muddatda Davlat test markazi huzurida Davlat test markazi faoliyatini rivojlantirish jamg‘armasini tashkil etsin”.

 

(Qonun hujjatlari ma’lumotlari milliy bazasi, 14.05.2019-y., 07/19/4319/3129-son)
Please follow and like us:
error

Sport kompleksida dars o'tkazildi

Vazirlikning “Oliy ta’lim muassasalarida dars mashg’ulotlarini mavzular bo’yicha tegishli joylarda sayyor o’tkazilishini ta’minlash to’g’risida” joriy yilning 13-apreldagi 340-son buyrug’ining 3-bandi bilan vazirlik axborot xizmati va OTM rahbarlariga dars mashg’ulotlarining tegishli joylarda sayyor o’tkazilganligi to’g’risida muntazam ommaviy axborot vositalarida yoritib borilishini ta’minlash topshirig’i berilgan.

Shunga asosan, Islom Karimov nomidagi Toshkent davlat texnika universiteti Termiz filiali Yengil sanoat va kimyoviy texnologiyalar fakul`teti 9-18 guruh talabalari jismoniy tarbiya va sport fanidan o’qituvchi Shamsiddin Alimov rahbarligida “Surxon” sport majmuasida dars mashg’ulotlarini o’tkazishdi. Darsda sport inshootlari va sportning turlari, yangi zamonaviy imkoniyatlar, bugungi kunda sportga berilayotgan e’tibor haqida o’qituvchi talabalarga sayyor darsda ma’lumot berdi. Sport majmuasida o’tkazilgan dars talabalarda yaxshi taassurot qoldirdi.

 

Please follow and like us:
error

Sulton sodot majmuasida sayyor dars

Vazirlikning “Oliy ta’lim muassasalarida dars mashg’ulotlarini mavzular bo’yicha tegishli joylarda sayyor o’tkazilishini ta’minlash to’g’risida” joriy yilning 13-apreldagi 340-son buyrug’ining 3-bandi bilan vazirlik axborot xizmati va OTM rahbarlariga dars mashg’ulotlarining tegishli joylarda sayyor o’tkazilganligi to’g’risida muntazam ommaviy axborot vositalarida yoritib borilishini ta’minlash topshirig’i berilgan.

Shunga asosan, Islom Karimov nomidagi Toshkent davlat texnika unversiteti Termiz filialida olib borilayotgan darslar, ayniqsa ijtimoiy-iqtisodiy fanlar bo’yicha Surhondaryo viloyatining mahalliy sharoitiga moslab Termiz tumani hududida joylashgan  al-Hakim at-Termiziy, Sulton Sodot, Qirq qiz, Abu Iso at-Termiziy tarixiy-madaniy, manaviy obidalarga o’tkazilmoqda. Jumladan, 16-17 may kunlari shunday darslar al-Hakim at-Termiziy, Sulton Sodot majmualarida Termiz filiali dotsenti, falsafa fanlari nomzodi, TerDU professori Xursand Xudoyberdiyev, filial o’qituvchilari Lobarxon Eryigitova, Feruzaxon Normatova rahbarligida 13-18 ekologiya guruhi, 14-18 qurilish guruhi talabalari bilan falsafa, dinshunoslik fanlari bo’yicha sayyor darslar o’tildi.

Unda ulug’ vohadoshimiz al-Hakim at-Termiziy hayoti va ijodiy faoliyati, ilmiy merosi, uning falsafa, dinshunoslik islom falsafasi, tasavvuf ta’limotiga qo’shgan hissasi, u asoslab began Hakimiya tariqatining ma’no-mazmuni, bu tariqatning yassaviylik, kubroviylik, naqshbandiylik tariqatiga qoshgan hissasi, ta’siri, ulug’ olimning dunyoviy fanlar sohasidagi xizmatlari haqida gapirib berildi.

Sulton sodot majmuasi VIII-X asrlarda bunyod etilgan bo’lib, keyingi asrlarda yanada davom ettirilgan va tarmizlik sayyidlar dafnxonasi, talabalarni o’qitish maskani hisoblangan. Bu majmuani Muhammad payg’ambar (s.a.v.)ning qizi Bibi Fotimaning o’gli Imom Husaynning 4-avlodi Hasan al-Amir, xalq tilida Sulton Sodot asoslagan va birinchi bo’lib dafn etilgan.

Malumki, termizlik sayyidlarning O’rta Osiyo, xususan, O’zbekiston tarixida alohida o’rni mavjud. Termizlik sayyidlardan Said Baraka, Mir Kulol Amir Temur hazratlarining pirlari bo’lgan. Sayyid Baraka 1370 yil Amir Temur Amir Husaynga qarshi Balxga yurish qilganda, Amir Temurga tug’ va bayroq sovg’a qilgan. Bu Amir Temur davlatining davlat ramzlari edi. Amir Temurning Sayyid Barakaga hurmati cheksiz bo’lganligi shundan bilinadiki, Sayyid Baraka vafotidan keyin Samarqand shahriga Go’ri Mir sag’anasiga, Amir Temurning qibla tomoniga dafn etilgan.

 

Yaqinda prezidentimiz SH. Mirziyoevning Sulton Sodot ziyoratgohida bo’lishi, majmuani obodonlashtirish haqidagi topshiriqlari majmua ko’rinishini tubdan o’zgartiradi, degan fikrga olib keladi.

Tarixiy obidalarda olib borilgan darslar talabalarda katta taassurot qoldirdi.

Please follow and like us:
error

RSS
Follow by Email
Twitter
Visit Us
Telegram
VK
OK