Category Archive Ommaviy tadbirlar

TDTU TERMIZ FILIALI (QABUL 2019-2020)

ТОШКЕНТ ДАВЛАТ ТЕХНИКА УНИВЕРСИТЕТИ ТЕРМИЗ ФИЛИАЛИда

қабулнинг охирги куни


Республикамиздаги барча ОТМлар сингари ТДТУ Термиз филиалида ҳам 15 июн санасидан бошланган қабул жараёнлари давом этмоқда ва энг қизғин ва қайноқ палласига кирган…


Ўзбекистон Республикаси Президентининг 2017 йил 29 июндаги “Ислом Каримов номидаги Тошкент давлат техника университети Термиз филиали фаолиятини ташкил этиш чора-тадбирлари тўғрисида”ги ПҚ-3101-сон қарори асосида ташкил топган ТДТУ Термиз филиалида 2019-2020 ўқув йили учун қабул жараёнларининг сўнгги кунида ҳам абитуриентлар кўп.


Янги ўқув йилида ТДТУ Термиз филиалида 3 та янги таълим йўналиши бўйича абитуриентлар қабул қилинмоқда. Булар:
Электр энергетикаси (тармоқлар ва йўналишлар бўйича) – жами 70 та, 10 та грант/ 60 та тўлов-контракт;
Электр техникаси, электр механикаси ва электр технологияси (тармоқлар бўйича) – жами 25 та, 10 та грант/ 15 та тўлов-контракт;
Технологик жараёнлар ва ишлаб чиқаришни автоматлаштириш ва бошқариш (тармоқлар бўйича) – жами 25 та, 5 та грант/ 20 та тўлов-контракт.


Мавжуд йўналишлар қуйидагилар:
Ер усти транспорт тизимлари ва уларнинг эксплуатацияси (транспорт турлари бўйича) – 75 та (10 грант/65 тўлов-контракт);
Технологик машиналар ва жиҳозлар (тармоқлар бўйича) – 50 (10 грант/40 тўлов-контракт);
Кимёвий технология (ишлаб чиқариш турлари бўйича) – 60 (10 грант/50 тўлов-контракт);
Озиқ-овқат технологияси (маҳсулотлар турлари бўйича) – 50 (10 грант/40 тўлов-контракт);


Транспорт иншоотларининг эксплуатацияси (транспотр иншоотлари турлари бўйича)
– жами 50 (10 грант/40 тўлов-контракт);
Автомобиль йўллари ва аэдродомлар – 40 (10 грант/30 тўлов-контракт)
Экология ва атроф-муҳит муҳофазаси (тармоқлар ва соҳалар бўйича) – 25 (10 грант/15 тўлов-контракт).


Абитуриентлардан ҳужжатлар филиал биносининг кириш зали – кенг фойеда қабул қилинмоқда. 25 нафар техник-операторларга компьютерлар, принтерлар бириктирилган. Абитуриентлар кўпайиб кетганида назоратчилар томонидан филиал ҳовлисида икки қисмли навбат ташкил қилиниб, узун навбатларнинг олди олинди.

Иш вақти эрталаб соат 7:00 дан 20:00 гача ташкил этилган. Бугун кечки 24:00 гача операторлар ишлайди.
Абитуриентлар ва уларнинг ота-оналарига қулайлик яратиш мақсадида 14 нафар профессор-ўқитувчилардан иборат маслаҳатчилар бириктирилган.

“Сall center” марказида 4 нафар ходим телефон қўнғироқларига мунтазам жавоб бермоқда, бир нафар ҳамшира, “Қишлоққурилишбанк”нинг сайёр кассаси (2 нафар ходим), овқатланиш ва дам олиш жойлари, салқин ичимликлар савдоси, биринчи тиббий ёрдам кўрсатиш хонаси ва кутиш жойлари ташкил этилган.

15-07-2019 йил ҳолатига 8103 нафар абитуриент қабул қилинди.

ТДТУ Термиз филиалига 2019 йилги кабулда хужжат топширган охирги абитуриент

ТДТУ Термиз филиалига 2019-2020 ўқйв йили учун энг охирги бўлиб ҳужжат топширган абитуриентни оператор Жавоҳир Исаев 24.00 га саноқли дақиқалар қолганида расмийлаштирди.

“Қабул 2019-2020” учун (2019 йил 15-июндан 15-июлга қадар) филиалда 15-дона компютер, 1-дона телевизор, 2-дона WiFi  qurilmasi, 8-дона принтер, 30-дона монитор ва 250-метр қўшимча тармоқ кабели ўрнатилиб фойдаланишга топширилди ва Республика ОТМ ларига 8104 абитуриент хужжатлари қабул қилинди. Шулардан 5588-та Абитуриент ТДТУ Термиз филиалига хужжатлари қабул қилинди https://abitur.dtm.uz-абитуриентларни рўйхатга олиш, https://qabul.dtm.uzДТМнинг кунлик абитуриентлар статистикаси, https://pay.dtm.uz/- Он-Лине тўлов квитансия чиқариш интернет тармоқлари тўлиқ ва узлуксиз ишлаши таъминланди. Филиалимиз расмий веб сайти https://tdtutf.uzва расмий телеграм каналлари t.me/tdtutf matbuot xizmati , канали ва гуруҳлари очилди ва унда филиалдаги барча жараёнлар мунтазам ёритилиб борилмоқда.

,

Please follow and like us:
error

DIQQAT, E'LON!

Diqqat, e’lon!
Respublikamizda 2019-2020 o’quv yili uchun 15 iyun sanasidan OTMlarga qabul jarayoni boshlandi. Abiturientlar va ularning ota-onalariga qulaylik yaratish, ularni qiziqtirgan savollarga javob berish, joriy etilgan yangiliklar mazmun mohiyatini keng jamoatchilik e’tiboriga etkazish maqsadida Oliy va orta maxsus ta’lim vazirligida va TDTU Termiz filialida Call-markazlari tashkil etildi.
Fuqarolar 71 246 16 04 raqami orqali oliy va orfa maxsus ta’llim vazirligining call markaziga va TDTU Termiz filialining 76 221 95 22 va 76 221 89 11 raqamlariga murojat qilishlari mumkin.

Please follow and like us:
error

Ufa davlat neft-texnika universiteti – mexmonimiz.

Islom Karimov nomidagi Toshkent davlat texnika universiteti Termiz filialiga Ufa davlat neft0texnika universiteti professori, texnika fanlari doktori Ne’matjon Raximov tashrif buyurdi. Tajribali ustoz dastlab filialda olib borilayotgan ishlar bilan tanishdi, professor o’qituvchilar, talabalar bilan suhbatlashdi. Kerakli tavsiya va takliflar berdi. Shundan so’ng filial faollar zalida professor “Yorug’lik diodlari va ularni qo’llash” mavzusida talabalar va professor-o’qituvchilarga ma’ruza o’qidi. Yangi innovatsion texnologiyalar, zamonaviy ta’limning xususiyatlari, umumiy fizikaning mohiyati haqidagi qiziqarli ma’lumotlar talabalar va professor-o’qituvchilarga manzur bo’ldi.

Please follow and like us:
error

Tags

«Ochiq eshiklar kuni»ga marhamat!

Islom Karimov nomidagi Toshkent davlat texnika universiteti Termiz filialida bugun 26 mart kuni maktab, akademik litsey va kasb-hunar kollejlari o‘quvchilari, o‘qituvchilari hamda ularning ota-onalari uchun «Ochiq eshiklar kuni» o‘tkazilmoqda.

«Ochiq eshiklar kuni» davomida tashrif buyuruvchilar yangi tashkil etilgan universitet faoliyati, bu ta’lim maskanida talabalar uchun yaratilgan shart-sharoitlar, kutubxona, laboratoriya xonalari bilan tanishib chiqishdi.

«Ochiq eshiklar kuni»da professor-o’qituvchilar, filial direktori Bahodir Ergashev va faol talabalar mehmonlar – ya’ni bo’lajak talabalarning barcha savollariga javob berib, ularni filialda ta’lim olishga da’vat etishdi.

Termiz shahridagi 3-maktab o’qituvchisi F.Ulmatova bitiruvchi sinflar bilan, 11-maktabdan Qayumova shogirdlari bilan, Qumqo’rg’on tumani 15-maktabdan C.Bo’riyev o’quvchilari bilan, 51-maktab o’quvchilari, Sho’rchi tumani 48-maktab jamoasi vakillari filial faoliyati bilan tanishib, o’zlarini qiziqtirgan barcha savollarga javob olishdi.

«Ochiq eshiklar kuni» davom etmoqda.

Please follow and like us:
error

Navro'zi olam muborak!

Navro’zi olam muborak!

Toshkent davlat texnika universiteti Termiz filiali jamoasi viloyatimizda o’tkazilgan milliy va qadimiy bayramimiz Navro’zi olam tantanalarini nishonlashga o’zining munosib hissasini qo’shdi. Filial rahbari boshchiligida jamoaning fidoyi va jonkuyar ustoz-murabbiylari, shijoatli va qalbida vatan tuyg’usi jo’sh urgan talaba-yoshlari birlashib, o’ziga ajratilgan qo’rg’onni milliylik va zamonaviylik uyg’unligida bezatishdi.

Bu jarayonda tinmay mehnat qilgan har bir xodimga minnatdorchilik bildiramiz. Yurtimizda Navro’z shukuhi kezayotgan shu kunlardagi ko’tarinkilik, jo’shqinlik, xotirjamlik va go’zallik yil bo’yi har biringizga hamroh bo’lsin. Filialimizning barcha xodimlarini Navro’zi ayyom bilan qutlaymiz!

Please follow and like us:
error

Zulfiyaxonim izdoshlari

 

 

Yurtimizda bejizga bahor faslini intiqlik va orziqish bilan kutishmaydi. Bahor nafaqat olamga, balki ruhimizgada yangilanish olib kiradi. Daraxt novdalariga tiriklik suvi yugurgani misol ko’zlarimizga nur, qalblarimizga surur, bilaklarimizga kuch, yuraklarimizga muhabbat inadi. Hademay olam yashillikka burkanadi. Bahor Surxondaryodan boshlanadi… Jarqo’rg’on qirlari, Qumqo’rg’on adirlari, Boysun tog’lari, Termiz ko’chalari yashil libos kiyganiga ancha bo’ldi… Taqvimdagi bahorning ilk kuni – 1 mart sanasida yana bir muhim tadbir yurtimiz bo’ylab keng nishonlanadi. 1 mart – O’zbekiston xalq shoirasi, taniqli jamoat arbobi, o’zbek adabiyotininig zabardast vakilasi Zulfiyaxonim tavallud kuni. Zulfiya Isroilova tavalludining 104 yilligi munosabati bilan Islom Karimov nomidagi Toshkent davlat texnika universiteti Termiz filialida “Ayol borki – olam munavvar” deb nomlangan ma’rifiy tadbir o’tkazildi. Filial boshlang’ich xotin-qizlar tashkiloti, Yoshlar bilash ishlash, ma’naviyat va ma’rifat bo’limi, talabalar, murabbiylar tomonidan tashkil etilgan bu tadbir barcha ishtirokchilarga manzur bo’ldi. Vafo va sadoqat kuychisi Zulfiyaxonim izdoshlari bo’lgan 4 nafar talaba qiz, turli shartlar bo’yicha bellashib, o’z mahoratini namoyon etishdi. Qizlarning she’riyat, pazandalik, ro’zg’or tutish san’ati, chaqqonlik, saranjom-sarishtalik xislatlari, Zulfiyaxonim ijodi haqidagi bilimlari, erkin mavzuda tayyorlagan ijod namunalari filialda faoliyat yuritayotgan ustoz-murabbiylar tomonidan munosib baholandi.

–        Yurtimizning har bir qizi Zulfiyadek vatanparvar, mustahkam irodali, teran ma’naviyatli shaxs bo’lishni orzu qiladi, – deydi filial boshlang’ich Xotin-qizlar tashkiloti raisasi Lobarxon Eryigitova. – Bunday yuksak mukofotga munosiblik mas’uliyati doim izlanishda bo’lishga, fidoyilikka, jamiyat oldidagi ijtimoiy burchimizni teran anglashga chorlaydi. Sevimli shoiramiz betakror iste’dodi, Vatanga va insonga muhabbat, vafo va sadoqat tuyg’usini, olijanob fazilatlarni yuksak tarannum etgan mukammal badiiy asarlari, ibratli hayot yo’li, ijtimoiy faoliyati bilan milliy madaniyatimiz, adabiyotimizga katta hissa qo’shgan ijodkor sifatida xalqimiz qalbidan o’rin olgan. Zulfiyaxonimning nafis she’riyati ona Vatanga, borliq va tabiatga, insonga cheksiz mehr, samimiyat, bahoriy haroratga limmo-limligi bilan qadrlidir. Shoiraning otashin misralari nainki yurtimizda, balki xorijda ham ma’lum va mashhurdir. Tadbirda ishtirok etgan filial talabalari Munira Ramazonova, Marjona Nurxonova, Gulsara Omonturdieva, Sayyora Begimova o’z chiqishlari bilan barchaning olqishiga sazovor bo’lishdi va Zulfiyaxonimning munosib izdoshi ekanligini namoyon etishdi. Talaba-qizlarga OTM rahbariyatining esdalik sovg’alari va faxriy yorliqlari topshirildi

Please follow and like us:
error

Tags

Заҳириддин Муҳаммад Бобур таваллудининг 536 йиллиги

14 февраль куни Ислом Каримов номидаги Тошкент давлат техника университети Термиз филиали профессор-ўқитувчилари ҳамда талабалари бобокалонимиз Заҳириддин Муҳаммад Бобур таваллуд кунини муносиб нишонлашди.
(more…)

Please follow and like us:
error

Tags Read More

Огоҳлик

Агар огоҳ сен…
Ислом Каримов номидаги Тошкент давлат техника университети Термиз филиалида 6 февраль куни ўтказилган “Ёшлар орасида гиёҳванд воситаларининг тарқалишига қарши кураш” мавзусидаги тадбир жонли ва қизғин баҳс-мунозараларга бойлиги билан талабаларга манзур бўлди.
Бутун дунёда глобал ҳисобланган гиёҳванд воситаларининг тарқатилиши, ёшлар орасида бу иллатга ружу қўйиш ҳолатлари кўпайиб бораётганлиги, бунинг олдини олиш борасида қилинаётган ишлар ҳақидаги учрашувни филиал директори Баҳодир Эргашевич Тураев кириш сўзи билан очди ва йиғилиш иштирокчиларини таништирди. Дастлаб сўз Термиз шаҳар Ички ишлар органлари фаолиятини мувофиқлаштириш бошқармаси бошлиғи подполковник Тоғаев Ўктам Ташановичга берилди. Ўктам Тоғаев талабаларни Термиз шаҳри қўшни Афғонистон Республикаси билан чегарадош бўлганлиги сабабли, жуда ҳушёр бўлиши лозимлиги, дўсти, дугонаси томонидан ҳам тинчлантирувчи восита сифатида ҳар хил моддалар таклиф қилинишидан огоҳлантирди. Ёшлар орасида бефарқлик, лоқайдлик, атрофдагиларга эътиборсизлик туфайли гиёҳвандлик иллатига учраш ҳолатлари юз бераётганини таъкидлади. Айниқса, кейинги йилларда ёшлар орасида кенг тарқалган “Лирика”, “Тримадол” каби воситалар таркибида ҳам наркотик моддалар борлиги туфайли, бу каби таблеткалар тарқатилиши, истеъмол қилиниши жиноий жавобгарликка тортилиши белгилаб қўйилганлигини таъкидлади. Ёшлар орасида бу каби моддаларга қарам бўлиб қолганлар ҳақида ҳаётий мисоллар келтириб ўтди. Президентимиз томонидан туризмни ривожлантириш борасида олиб борилаётган ишлар, хусусан, Термиз шаҳри хавфсиз ҳудудга айлантирилгани ва бу борада қилинган амалий ишлар ҳақида ҳам маълумот берди. Ҳудуднинг фуқаролари, айниқса ёшларни ислоҳотларга ўз ҳиссасини қўшиш, юртимиз келажаги йўлида қилинаётган ҳаракатларга бефарқ бўлмасликка чақирди. Термиз шаҳрига келаётган меҳмонлар хавфсизлиги, туризмни ривожлантириш лозимлиги таъкидланди. Термиз шаҳрида қурилаётган корхоналар, яратилаётган иш ўринлари борасида мисоллар келтирди.
Кейинги иштирокчи “Ўзбекистон Республикаси халқ ўқитувчиси”, “Фидокорона хизматлари учун” ордени соҳибаси, Ўзбекистон Республикаси Олий Мажлиси Сенати аъзоси Арипова Шоҳида Раҳматовна бугунги кунда ёшлар, айниқса, талаба ёшлар орасида порнографик лавҳаларнинг тарқалаётганлиги, бу иллатнинг ҳам гиёҳвандлик каби ёшларни тобе қилиб олиши ва турли хил зарарли ҳолатлар юз бераётганлиги тўғрисида гапирди. Айниқса, ёш қизлар ўртасида ҳам турли зарарли иллатлар кузатилаётганлиги, бунинг натижасида, ўз жонига қасд қилиш ҳолатлари кўпаяётганлиги борасида жонли мисоллар келтирди. Турмуш қуриш ёшидаги қизлар ва йигитларга ҳаётий тажрибаси мисолида аниқ таклиф ва тавсиялар берди. Қизлардаги ўзбекона ҳаё, ибо, соддалик, сохта чиройга ружу қўймаслик борасида тавсиялар берди. Оила ва турмуш масалаларига эътибор, фарзанд тарбияси борасидаги маслаҳатлари талабаларга манзур бўлди.
Термиз шаҳар ҳокимининг Ёшлар масалалари бўйича маслаҳатчиси, Ўзбекистон Ёшлар Иттифоқи Термиз шаҳар кенгаши раиси Салоҳиддинов Жаҳонгир Ҳилолиддинович талаба ёшлар ўртасида одатий ҳолга айланган тамаки маҳсулотлари чекиш, спиртли ичимликларга ружу қўйиш каби ҳолатлар ҳақида гапириб, бундай иллатлар ортидан турли кўнгилсизликлар ва жиноятлар содир этилаётганлиги ҳақида гапирди. Ёшлар иттифоқи томонидан тайёрланган гиёҳвандликнинг аянчли оқибатлари лавҳалари акс эттирилган видеоролик талабаларга намойиш этилди. Қўшни Афғонистон республикасида етиштирилаётган наркотик моддалар, бу ажал уруғини юртимиз ҳудудидан олиб ўтишга уриниш ҳолатлари ва бундай ҳолатларга қарши олиб борилаётган тадбирлар ҳақида батафсил маълумот берилиб, ҳар бир талаба бундай хавфдан огоҳ бўлиши лозимлиги таъкидланди.
Бой ҳаётий тажрибага эга мутахассислар ўз ҳаёти мисолида китоб ўкиш, тинимсиз изланиш, ёмон иллатлардан тийилиш натижасида касбий ва оилавий ҳаётда эришган ютуқларини гапириб ўтишди. Талабаларга вақтни беҳуда ўтказмаслик, кераксиз иллатлардан тийилиб, янги инновацион ғоялар, спорт мусобақаларида иштирок этиш таклифи киритилди.

Please follow and like us:
error

Tags

Futbol musobaqasi

Islom Karimov nomidagi Toshkent davlat texnika universitetida “FUTBOL” musobaqasi o’tkazilmoqda

Musobaqa qatnashchilariga OMAD tilaymiz.

Please follow and like us:
error

Tags Read More

Shaxmat-shashka musobaqasi

Islom Karimov nomidagi Toshkent davlat texnika universitetida xodimlar o’rtasida “Shaxmat-shashka” musobaqasi o’tkazilmoqda.

 

Barcha musobaqa qatnashchilariga omad tilaymiz.

Please follow and like us:
error

Tags

RSS
Follow by Email
Twitter
Visit Us
Telegram
VK
OK